ಶ್ರೀಮಸಿಯಮ್ಮ: ಸರಿ, ತಪ್ಪುಗಳ ಮಾಯೆ (ಶ್ರೀ ನರಸಿಂಹ 26)

[ರಚನೆ ಸತೀಶ ತುಮಕೂರು]

ನಡೆಯುತಿಹ ಘಟನೆಗಳ ನೋಡಿ ಸರಿ,ತಪ್ಪು ಎನ್ನದಿರು

ಸರಿ,ತಪ್ಪುಗಳನು ನಿನ್ನಮನಸಿನ ನೇರದಲಿ ನೋಡದಿರು

ನಿನಗೆ ಸರಿ ಎಂದೆನಿಸಿದುದು ಸರಿಯು ಎಂದೇನು ಅಲ್ಲ

ತಪ್ಪು ಎಂದೆನಿಸುವುದು ತಪ್ಪಾಗಿಹುದು ಎಂದೇನು ಅಲ್ಲ

ಇಂದಿನ ಸರಿ ಅದು ಮುಂದೊಮ್ಮೆ ತಪ್ಪಾಗಿ ಕಾಣುವುದು

ಇಂದು ತಪ್ಪಾಗಿಹುದು ಮುಂದೊಮ್ಮೆ ಸರಿ ಎನಿಸುವುದು

ಸರಿ,ತಪ್ಪುಗಳೆಂಬುದೆಲ್ಲವೂ ನಮ್ಮ ಮನಸಿನ ತರ್ಕವು

ನನ್ನದೆ ಸರಿ ಎನುತಲಿ ವಾದಮಾಡಲದುವೆ ಕುತರ್ಕವು

ಆತ್ಮ ಸಾಕ್ಷಿಗೆ ಎದುರಾಗಿ ಕರ್ಮಗಳಾವುದನು ನೀ ಮಾಡದಿರು

ಎಲ್ಲರೊಳಗಿದ್ದು ಎಲ್ಲ ನೋಡುತಿಹ ಶ್ರೀನರಸಿಂಹ ಮರೆಯದಿರು

ದೊಡ್ಡನಾರವಂಗಲ ಗ್ರಾಮಕ್ಕೆ ದಾರಿ

ತುಮಕೂರಿನಿಂದ ಗುಬ್ಬಿಗೆ ಹೋಗುವ ಬಿ ಹೆಚ್ ರಸ್ತೆಯಲ್ಲಿನ ಮಲ್ಲಸಂದ್ರ ರೈಲು ನಿಲ್ದಾಣದ ಎದುರಿನ ರಸ್ತೆಯನ್ನು ಹಿಡಿದು ಹೊರಟರೆ ,ಅಲ್ಲಿಂದ ಮೂರು ಕಿ.ಮೀ. ದೂರದಲ್ಲಿ ದೊಡ್ಡನಾರವಂಗಲ ಗ್ರಾಮ

ಸುತ್ತಲೂ ನೀರಿನ ಆಸರೆಗಾಗಿ ಇರುವ ಕೆರೆ ಗ್ರಾಮವನ್ನು ಸುತ್ತುವರೆದಿದೆ. ಅತ್ಯಂತ ಪುರಾತನ ರಾಮದೇವಾಲಯ (ಈಗ ಮರು ನಿರ್ಮಾಣವಾಗುತ್ತಿದೆ), ಈಶ್ವರ ದೇವಾಲಯ ಹಾಗು ಗ್ರಾಮದಲ್ಲೆಲ್ಲ ಭಕ್ತಿಯಿಂದ ಮಸಿಯಮ್ಮ ಎಂದು ಕರೆಯುವ ಶ್ರೀಮಹಿಷಾಸುರಮರ್ಧಿನಿ ಅಮ್ಮನವರ ದೇವಾಲಯಗಳಿವೆ

ಗ್ರಾಮದ ಸುತ್ತ ಹಸಿರು ನೆಲಹರಡಿದೆ. ತೆಂಗಿನ ತೋಟಗಳು, ಭತ್ತದ ಗದ್ದೆಗಳು ಹೇಮಾವತಿಯ ನೀರಿನ ಹರಿವು ಎಲ್ಲವೂ ಗ್ರಾಮವನ್ನು ಸುಂದರವಾಗಿಸಿದೆ