ಶ್ರೀಮಸಿಯಮ್ಮ

ದೇವರ ದೇವ ಶ್ರೀ ನರಸಿಂಹ | ಸಿರಿವರ ರೂಪ ನರಸಿಂಹ
ರಚನೆ : ನರಹರಿ ವಿಠಲ

ದೇವರ ದೇವ ಶ್ರೀ ನರಸಿಂಹ | ಸಿರಿವರ ರೂಪ ನರಸಿಂಹ

ಭಕುತರ ಪೊರೆಯುವ ಹೇ ನರಸಿಂಹ |
ಜಯ ಜಯ ಜಯಹೇ ನರಸಿಂಹ

ಪ್ರಹ್ಲಾದನ ಮೊರೆಕೇಳಿ ನರಸಿಂಹ |
ಒಲಿದು ಕಂಬವ ನೊಡೆದು ನೀ ಬಂದೆ ನರಸಿಂಹ ||
ಹಿರಣ್ಯಕಶಿಪನ ಕರುಳ ಬಗೆದ ನರಸಿಂಹ |
ಭಕುತನ ಪ್ರಾರ್ಥನೆ ಎನಿಸಿದ ನರಸಿಂಹ

ಸ್ತುತಿಸುವ ಜನರ ಮನಕೆ ಮಣಿದು ಬಂದೆ ನರಸಿಂಹ |
ಕೋರಿದ ವರಗಳ ನೀ ಕೊಡುವೆ ನರಸಿಂಹ ||
ಭಕುತಿಯ ಅಮೃತದ ಹೊನಲಲಿ ನರಸಿಂಹ |
ಮುಕುತಿಯ ತೀರವ ತೋರಿಸುವೆ ಹೇ ನರಸಿಂಹ

ಶ್ರೀ ಶೇಷಶಾಯಿ ನರಹರಿ ವಿಠಲ ನರಸಿಂಹಾ |
ಎಂದು ತುಂಬು ಹೃದಯದಿಂದ ನಾ ಕರೆವೆ ನರಸಿಂಹಾ ||
ನಿನ್ನ ನಾಮ ಪಾವನ ನರಸಿಂಹ |
ಅನುದಿನ ನಮಿಸಿ ನಾ ನಲಿವೆ ನರಸಿಂಹ

http://www.vijaygururaja.com/Lyrics/narayana/Narasimha/DhevaraDhevaShreeNarasimha.xml

ದೊಡ್ಡನಾರವಂಗಲ ಗ್ರಾಮಕ್ಕೆ ದಾರಿ

ತುಮಕೂರಿನಿಂದ ಗುಬ್ಬಿಗೆ ಹೋಗುವ ಬಿ ಹೆಚ್ ರಸ್ತೆಯಲ್ಲಿನ ಮಲ್ಲಸಂದ್ರ ರೈಲು ನಿಲ್ದಾಣದ ಎದುರಿನ ರಸ್ತೆಯನ್ನು ಹಿಡಿದು ಹೊರಟರೆ ,ಅಲ್ಲಿಂದ ಮೂರು ಕಿ.ಮೀ. ದೂರದಲ್ಲಿ ದೊಡ್ಡನಾರವಂಗಲ ಗ್ರಾಮ

ಸುತ್ತಲೂ ನೀರಿನ ಆಸರೆಗಾಗಿ ಇರುವ ಕೆರೆ ಗ್ರಾಮವನ್ನು ಸುತ್ತುವರೆದಿದೆ. ಅತ್ಯಂತ ಪುರಾತನ ರಾಮದೇವಾಲಯ (ಈಗ ಮರು ನಿರ್ಮಾಣವಾಗುತ್ತಿದೆ), ಈಶ್ವರ ದೇವಾಲಯ ಹಾಗು ಗ್ರಾಮದಲ್ಲೆಲ್ಲ ಭಕ್ತಿಯಿಂದ ಮಸಿಯಮ್ಮ ಎಂದು ಕರೆಯುವ ಶ್ರೀಮಹಿಷಾಸುರಮರ್ಧಿನಿ ಅಮ್ಮನವರ ದೇವಾಲಯಗಳಿವೆ

ಗ್ರಾಮದ ಸುತ್ತ ಹಸಿರು ನೆಲಹರಡಿದೆ. ತೆಂಗಿನ ತೋಟಗಳು, ಭತ್ತದ ಗದ್ದೆಗಳು ಹೇಮಾವತಿಯ ನೀರಿನ ಹರಿವು ಎಲ್ಲವೂ ಗ್ರಾಮವನ್ನು ಸುಂದರವಾಗಿಸಿದೆ