ಶ್ರೀಮಸಿಯಮ್ಮ: ಬೇಕು ಬೇಡಗಳ ಮಾಯೆ (ಶ್ರೀ ನರಸಿಂಹ ೩೨)

ರಚನೆ : ಸತೀಶ ತುಮಕೂರು

ಜೀವನವೆನುವಿ ಪಯಣದಲಿ ನಮಗೆ ಬೇಕೆನಿಸುವುದು
ಇನ್ನೊಬ್ಬರ ಮನಸಿನಲಿ ಬೇಡವದು ಎಂದೆನಿಸುವುದು
ನಮ್ಮಂತೆ ಎಲ್ಲವೂ ನಡೆಯ ಬೇಕೆನುವುದು ಮನಸು
ಬಯಸಿದುದು ಸಿಗದಿರಲು ಹೊಂದುವುದದು ಮುನಿಸು

ನೀನು ಬಯಸಿದ ತೆರದಿ ಎಲ್ಲ ನಡೆಯ ಬೇಕೆನ್ನದಿರು
ನಿನ್ನಾಲೋಚನೆಗಳೆ ಸರಿಯೆನುತ ಪರರ ಜರಿಯದಿರು
ಬಾಳಿನ ಪಥದಿ ಹೊಂದಿ ಬಾಳುವುದ ನೀ ಕಲಿಯಬೇಕು
ನಿನಗಾಗಿ ಸೃಷ್ಠಿಯಾಗಿಲ್ಲವಿ ಜಗವೆಂಬುದನರಿಯಬೇಕು

ಎಲ್ಲ ನನಗಾಗಿ,ನನ್ನಂತೆ ನಡೆಯಬೇಕೆನ್ನುವುದದು ಮೂಡತೆಯೂ
ನಡೆವುದೆಲ್ಲವೂ ಶ್ರೀನರಸಿಂಹನಿಚ್ಛೆ ಎಂದರಿತರದು ಸಾಧನೆಯೂ

ದೊಡ್ಡನಾರವಂಗಲ ಗ್ರಾಮಕ್ಕೆ ದಾರಿ

ತುಮಕೂರಿನಿಂದ ಗುಬ್ಬಿಗೆ ಹೋಗುವ ಬಿ ಹೆಚ್ ರಸ್ತೆಯಲ್ಲಿನ ಮಲ್ಲಸಂದ್ರ ರೈಲು ನಿಲ್ದಾಣದ ಎದುರಿನ ರಸ್ತೆಯನ್ನು ಹಿಡಿದು ಹೊರಟರೆ ,ಅಲ್ಲಿಂದ ಮೂರು ಕಿ.ಮೀ. ದೂರದಲ್ಲಿ ದೊಡ್ಡನಾರವಂಗಲ ಗ್ರಾಮ

ಸುತ್ತಲೂ ನೀರಿನ ಆಸರೆಗಾಗಿ ಇರುವ ಕೆರೆ ಗ್ರಾಮವನ್ನು ಸುತ್ತುವರೆದಿದೆ. ಅತ್ಯಂತ ಪುರಾತನ ರಾಮದೇವಾಲಯ (ಈಗ ಮರು ನಿರ್ಮಾಣವಾಗುತ್ತಿದೆ), ಈಶ್ವರ ದೇವಾಲಯ ಹಾಗು ಗ್ರಾಮದಲ್ಲೆಲ್ಲ ಭಕ್ತಿಯಿಂದ ಮಸಿಯಮ್ಮ ಎಂದು ಕರೆಯುವ ಶ್ರೀಮಹಿಷಾಸುರಮರ್ಧಿನಿ ಅಮ್ಮನವರ ದೇವಾಲಯಗಳಿವೆ

ಗ್ರಾಮದ ಸುತ್ತ ಹಸಿರು ನೆಲಹರಡಿದೆ. ತೆಂಗಿನ ತೋಟಗಳು, ಭತ್ತದ ಗದ್ದೆಗಳು ಹೇಮಾವತಿಯ ನೀರಿನ ಹರಿವು ಎಲ್ಲವೂ ಗ್ರಾಮವನ್ನು ಸುಂದರವಾಗಿಸಿದೆ