ಜಗದಿ ನಿನ್ನಿರುವಿಕೆ (ಶ್ರೀ ನರಸಿಂಹ 58)

ಮುಖ್ಯವಾದವರೇನಾಗಿಲ್ಲ ನಾವುಗಳು ಈ ಜಗಕೆ

ಅನಿವಾರ್ಯ  ಕೂಡವೇನಿಲ್ಲ ಇಲ್ಲಿ  ನಮ್ಮಿರುವಿಕೆ

ನಮ್ಮಿರಿವು ಈ ಜಗದಲ್ಲಿ ನೆಪ ಮಾತ್ರವಾಗಿಹುದು

ನಾವಿರಲಿ,ಇಲ್ಲದಿರಲಿ ಈ ಜಗವು ನಡೆಯುತಿಹುದು

ನಮ್ಮ ಜೀವನದ ಪಯಣ ಮುಗಿದ ದಿನದಂದು

ಸನಿಹದವರನು ಬಿಟ್ಟದು  ಜಗಕೆ ತಿಳಿಯದೆಂದು

ಜಗಕೊಳಿತಾಗುವ ಸಾಧನೆಯ ನೀ ಮಾಡಬೇಕು

ನಿನ್ನಳಿವಿನ  ನಂತರವು ಜಗದಿ ನೀ ಬಾಳ  ಬೇಕು

ಜಗವೆ ನೀಡುತಿಹುದು ನಮಗೆಲ್ಲವನು,ಜಗಕೆ ನೀ ನೀಡದನು

ಸ್ಮರಿಸನವರತ ಜಗಕೊಡೆಯ ಶ್ರೀನರಸಿಂಹನ ನಾಮವನು