ಶ್ರೀಮಸಿಯಮ್ಮ: ದೇಹ ಮತ್ತು ಆತ್ಮ (ಶ್ರೀನರಸಿಂಹ 16)

ದೇಹ ಮತ್ತು ಆತ್ಮ (ಶ್ರೀನರಸಿಂಹ 16)

ಬಯಲಿನಲಿ ನಿರ್ಮಿಸಿರುವ ಮನೆಯ ತೆರದಿ
ದೇಹವೇ ಮನೆಯು ಆತ್ಮ ಬಯಲಿನೋಪಾದಿ
ಮನೆಗಳ ಒಳಹೊರಗೂ ಬಯಲು ಇರುವಂತೆ
ದೇಹಗಳ ಒಳ ಹೊರಗಿಹುದು ಆತ್ಮವು ಅಂತೆ

ತ್ರಿಗುಣಗಳಾಧಾರ ದೇವನ ಈ ಜಗದ ಸೃಷ್ಠಿ
ಎಲ್ಲರ ಒಳಗೆ ತುಂಬಿಹನು ಮಾಯೆಯ ದೃಷ್ಠಿ
ಮುಕುತಿಯ ಪಥದಲಿರು ಸಾಧನೆಯ ನಡೆಸಿ
ಮನವ ಸೇರಿಸು ಆತ್ಮದಲಿ ತ್ರಿಗುಣಗಳ ತ್ಯಜಿಸಿ

ಆತ್ಮಕಿಲ್ಲವೋ ಹಾನಿ ದೇಹವೆನುವ ಮನೆಯಿದು ನಶಿಸಲು
ನಂಬು ಶ್ರೀನರಸಿಂಹನನು ಇಹಪರದಲ್ಲಿ ಮುಕುತಿಗಳಿಸಲು

ದೊಡ್ಡನಾರವಂಗಲ ಗ್ರಾಮಕ್ಕೆ ದಾರಿ

ತುಮಕೂರಿನಿಂದ ಗುಬ್ಬಿಗೆ ಹೋಗುವ ಬಿ ಹೆಚ್ ರಸ್ತೆಯಲ್ಲಿನ ಮಲ್ಲಸಂದ್ರ ರೈಲು ನಿಲ್ದಾಣದ ಎದುರಿನ ರಸ್ತೆಯನ್ನು ಹಿಡಿದು ಹೊರಟರೆ ,ಅಲ್ಲಿಂದ ಮೂರು ಕಿ.ಮೀ. ದೂರದಲ್ಲಿ ದೊಡ್ಡನಾರವಂಗಲ ಗ್ರಾಮ

ಸುತ್ತಲೂ ನೀರಿನ ಆಸರೆಗಾಗಿ ಇರುವ ಕೆರೆ ಗ್ರಾಮವನ್ನು ಸುತ್ತುವರೆದಿದೆ. ಅತ್ಯಂತ ಪುರಾತನ ರಾಮದೇವಾಲಯ (ಈಗ ಮರು ನಿರ್ಮಾಣವಾಗುತ್ತಿದೆ), ಈಶ್ವರ ದೇವಾಲಯ ಹಾಗು ಗ್ರಾಮದಲ್ಲೆಲ್ಲ ಭಕ್ತಿಯಿಂದ ಮಸಿಯಮ್ಮ ಎಂದು ಕರೆಯುವ ಶ್ರೀಮಹಿಷಾಸುರಮರ್ಧಿನಿ ಅಮ್ಮನವರ ದೇವಾಲಯಗಳಿವೆ

ಗ್ರಾಮದ ಸುತ್ತ ಹಸಿರು ನೆಲಹರಡಿದೆ. ತೆಂಗಿನ ತೋಟಗಳು, ಭತ್ತದ ಗದ್ದೆಗಳು ಹೇಮಾವತಿಯ ನೀರಿನ ಹರಿವು ಎಲ್ಲವೂ ಗ್ರಾಮವನ್ನು ಸುಂದರವಾಗಿಸಿದೆ