ಶ್ರೀಮಸಿಯಮ್ಮ: ನರಹರಿಯ ಮಾಯೆಯ ಆಟ (ಶ್ರೀ ನರಸಿಂಹ

ನರಹರಿಯ ಮಾಯೆಯ ಆಟ (ಶ್ರೀ ನರಸಿಂಹ - 2)

ಶ್ರೀನರಹರಿಯ ಮಾಯೆಯ ಆಟ

ನೀ ನೋಡುತಿಹ ಈ ಜಗದ ನೋಟ

ನಡೆಯುತಿಹ ಎಲ್ಲದಕೂ ಅವನೇ ಕಾರಣನು

ಬಡತನವ ಸಿರಿತನವ ಅವನೇ ನೀಡುವನು

ಬಡತನ ಬಂತೆಂದು ದೇವನನು ಜರಿಯದೆಲೆ

ಸಿರಿತನ ಬಂದಾಗ ಗರ್ವದಲಿ ಮೆರೆಯದೆಲೆ

ಬಾಳ್ವೆಯ ನಡೆಸಿದರೆ ನೀ ಇರುವತನಕ

ಬಿಡದೆ ಸಲಹುವನು ಶ್ರೀ ನರಸಿಂಹ ಜನಕ

ದೊಡ್ಡನಾರವಂಗಲ ಗ್ರಾಮಕ್ಕೆ ದಾರಿ

ತುಮಕೂರಿನಿಂದ ಗುಬ್ಬಿಗೆ ಹೋಗುವ ಬಿ ಹೆಚ್ ರಸ್ತೆಯಲ್ಲಿನ ಮಲ್ಲಸಂದ್ರ ರೈಲು ನಿಲ್ದಾಣದ ಎದುರಿನ ರಸ್ತೆಯನ್ನು ಹಿಡಿದು ಹೊರಟರೆ ,ಅಲ್ಲಿಂದ ಮೂರು ಕಿ.ಮೀ. ದೂರದಲ್ಲಿ ದೊಡ್ಡನಾರವಂಗಲ ಗ್ರಾಮ

ಸುತ್ತಲೂ ನೀರಿನ ಆಸರೆಗಾಗಿ ಇರುವ ಕೆರೆ ಗ್ರಾಮವನ್ನು ಸುತ್ತುವರೆದಿದೆ. ಅತ್ಯಂತ ಪುರಾತನ ರಾಮದೇವಾಲಯ (ಈಗ ಮರು ನಿರ್ಮಾಣವಾಗುತ್ತಿದೆ), ಈಶ್ವರ ದೇವಾಲಯ ಹಾಗು ಗ್ರಾಮದಲ್ಲೆಲ್ಲ ಭಕ್ತಿಯಿಂದ ಮಸಿಯಮ್ಮ ಎಂದು ಕರೆಯುವ ಶ್ರೀಮಹಿಷಾಸುರಮರ್ಧಿನಿ ಅಮ್ಮನವರ ದೇವಾಲಯಗಳಿವೆ

ಗ್ರಾಮದ ಸುತ್ತ ಹಸಿರು ನೆಲಹರಡಿದೆ. ತೆಂಗಿನ ತೋಟಗಳು, ಭತ್ತದ ಗದ್ದೆಗಳು ಹೇಮಾವತಿಯ ನೀರಿನ ಹರಿವು ಎಲ್ಲವೂ ಗ್ರಾಮವನ್ನು ಸುಂದರವಾಗಿಸಿದೆ