ಶ್ರೀಮಸಿಯಮ್ಮ: ಸುಖ-ದುಃಖದ ಮಾಯೆ (ಶ್ರೀನರಸಿಂಹ-3)

ಚಿತ್ರಕೃಪೆ : ಕೆಂಗೇರಿ ಚಕ್ರಪಾಣಿ

ಸುಖ-ದುಃಖದ ಮಾಯೆ (ಶ್ರೀನರಸಿಂಹ-3)

ಸುಖ ದುಃಖ ಗಳೆರಡು

ಮನಸಿನ ಕಲ್ಪನೆಯು

ತನ್ನಂತೆ ನಡೆದಾಗ ಅದನೆ

ಸುಖವೆಂದೆಣಿಸಿ, ನಡೆಯದಿರೆ

ಮನ ಅದನೆ ದುಃಖವೆಂದೆಣಿಪುದು

ಸುಖ ದುಃಖಗಳನುಭವಿಸುವವ ಭೋಗಿ

ಸಮಚಿತ್ತದಲಿ ನೋಡುವನು ಯೋಗಿ

ಜೀವನದ ಪಥದಲ್ಲಿ ಆಗು ನೀಯೋಗಿ

ಇದಕಾಗಿ ಶರಣಾಗಲೇ ಬೇಕು ನೀ

ಶ್ರೀ ನರಸಿಂಹನಿಗೆ ಶಿರಬಾಗಿ

ದೊಡ್ಡನಾರವಂಗಲ ಗ್ರಾಮಕ್ಕೆ ದಾರಿ

ತುಮಕೂರಿನಿಂದ ಗುಬ್ಬಿಗೆ ಹೋಗುವ ಬಿ ಹೆಚ್ ರಸ್ತೆಯಲ್ಲಿನ ಮಲ್ಲಸಂದ್ರ ರೈಲು ನಿಲ್ದಾಣದ ಎದುರಿನ ರಸ್ತೆಯನ್ನು ಹಿಡಿದು ಹೊರಟರೆ ,ಅಲ್ಲಿಂದ ಮೂರು ಕಿ.ಮೀ. ದೂರದಲ್ಲಿ ದೊಡ್ಡನಾರವಂಗಲ ಗ್ರಾಮ

ಸುತ್ತಲೂ ನೀರಿನ ಆಸರೆಗಾಗಿ ಇರುವ ಕೆರೆ ಗ್ರಾಮವನ್ನು ಸುತ್ತುವರೆದಿದೆ. ಅತ್ಯಂತ ಪುರಾತನ ರಾಮದೇವಾಲಯ (ಈಗ ಮರು ನಿರ್ಮಾಣವಾಗುತ್ತಿದೆ), ಈಶ್ವರ ದೇವಾಲಯ ಹಾಗು ಗ್ರಾಮದಲ್ಲೆಲ್ಲ ಭಕ್ತಿಯಿಂದ ಮಸಿಯಮ್ಮ ಎಂದು ಕರೆಯುವ ಶ್ರೀಮಹಿಷಾಸುರಮರ್ಧಿನಿ ಅಮ್ಮನವರ ದೇವಾಲಯಗಳಿವೆ

ಗ್ರಾಮದ ಸುತ್ತ ಹಸಿರು ನೆಲಹರಡಿದೆ. ತೆಂಗಿನ ತೋಟಗಳು, ಭತ್ತದ ಗದ್ದೆಗಳು ಹೇಮಾವತಿಯ ನೀರಿನ ಹರಿವು ಎಲ್ಲವೂ ಗ್ರಾಮವನ್ನು ಸುಂದರವಾಗಿಸಿದೆ