ಶ್ರೀಮಸಿಯಮ್ಮ: ಹೆಣ್ಣು, ಹೊನ್ನು, ಮಣ್ಣಿನ ಮಾಯೆ (ಶ್ರೀನರಸಿಂಹ 10)

ಹೆಣ್ಣು, ಹೊನ್ನು, ಮಣ್ಣಿನ ಮಾಯೆ (ಶ್ರೀನರಸಿಂಹ 10)
ರಚನೆ : ಸತೀಶ್ ತುಮಕೂರು

(SRI NARASIMHA , AVALAGUDDA)

ಹೆಣ್ಣು, ಮಣ್ಣು, ಹೊನ್ನಿನಲ್ಲಿಯೆ ಸುಖವಿಹುದೆಂದೆಣಿಸಿ

ವಾಮ ಮಾರ್ಗವ ಹಿಡಿಯುತಿಹೆವು ಇವುಗಳ ಬಯಸಿ

ಮನವ ಕೆಡಿಸಿಕೊಂಡಿಹೆವು ಸ್ವಾರ್ಥದ ಗುಣವ ಬೆಳಸಿ

ಮರೆಯುತಿಹೆವು ಭಾವನೆಗಳ ಮಧದಿಂದ ಕಡೆಗಣಿಸಿ

ಹೊನ್ನಕೂಡಿಡುವ ಆಸೆಯಲಿ ಪರಧನವ ಕಸಿಯದಿರು

ಸುಖ ಪಡೆವ ಕೀಳಾಸೆಯಲಿ ಪರಸತಿಯ ಬಯಸದಿರು

ಭೂಮಿಗೆ ಒಡೆಯನಾಗಿ ಮೆರೆಯುವ ಕನಸ ಕಾಣದಿರು

ಶ್ರೀನರಹರಿಯನು ಮರೆತು ಗರ್ವದಲಿ ಮೆರೆಯದಿರು

ನಾನು, ನನ್ನದೆನುವ ಸ್ವಾರ್ಥವನು ತೊರೆದು ಬಾಳ್ವೆಯ ನೀ ನಡೆಸು

ಮಾಯೆಗೊಳಗಾಗಿ ಗೈದ ತಪ್ಪುಒಪ್ಪುಗಳನೆಲ್ಲ ಶ್ರೀ ನರಸಿಂಹಗರ್ಪಿಸು

ದೊಡ್ಡನಾರವಂಗಲ ಗ್ರಾಮಕ್ಕೆ ದಾರಿ

ತುಮಕೂರಿನಿಂದ ಗುಬ್ಬಿಗೆ ಹೋಗುವ ಬಿ ಹೆಚ್ ರಸ್ತೆಯಲ್ಲಿನ ಮಲ್ಲಸಂದ್ರ ರೈಲು ನಿಲ್ದಾಣದ ಎದುರಿನ ರಸ್ತೆಯನ್ನು ಹಿಡಿದು ಹೊರಟರೆ ,ಅಲ್ಲಿಂದ ಮೂರು ಕಿ.ಮೀ. ದೂರದಲ್ಲಿ ದೊಡ್ಡನಾರವಂಗಲ ಗ್ರಾಮ

ಸುತ್ತಲೂ ನೀರಿನ ಆಸರೆಗಾಗಿ ಇರುವ ಕೆರೆ ಗ್ರಾಮವನ್ನು ಸುತ್ತುವರೆದಿದೆ. ಅತ್ಯಂತ ಪುರಾತನ ರಾಮದೇವಾಲಯ (ಈಗ ಮರು ನಿರ್ಮಾಣವಾಗುತ್ತಿದೆ), ಈಶ್ವರ ದೇವಾಲಯ ಹಾಗು ಗ್ರಾಮದಲ್ಲೆಲ್ಲ ಭಕ್ತಿಯಿಂದ ಮಸಿಯಮ್ಮ ಎಂದು ಕರೆಯುವ ಶ್ರೀಮಹಿಷಾಸುರಮರ್ಧಿನಿ ಅಮ್ಮನವರ ದೇವಾಲಯಗಳಿವೆ

ಗ್ರಾಮದ ಸುತ್ತ ಹಸಿರು ನೆಲಹರಡಿದೆ. ತೆಂಗಿನ ತೋಟಗಳು, ಭತ್ತದ ಗದ್ದೆಗಳು ಹೇಮಾವತಿಯ ನೀರಿನ ಹರಿವು ಎಲ್ಲವೂ ಗ್ರಾಮವನ್ನು ಸುಂದರವಾಗಿಸಿದೆ