ಶ್ರೀಮಸಿಯಮ್ಮ: ಜೀವನ ಎಂಬ ಮಾಯೆ (ಶ್ರೀನರಸಿಂಹ 12)

ಜೀವನ ಎಂಬ ಮಾಯೆ (ಶ್ರೀನರಸಿಂಹ 12)

ರಚನೆ : ಸತೀಶ್ , ತುಮಕೂರು

ಹಲಸಿನ ಹಣ್ಣೆಂಬುದನು ಬಿಡಿಸಿದಂತೆ ಜೀವನವು
ಅಂಟಿನೋಪಾದಿಯಲಿ ಸಮಸ್ಯೆಗಳುದ್ಬವಿಸುವವು
ತೈಲವನು ಲೇಪಿಸೆ ಕರಗಳಿಗೆ ಅಂಟು ಅಂಟದದು
ಸಮಸ್ಯೆಗಳನೆದುರಿಸೆ ತಾಳ್ಮಯೆ ತೈಲವಾಗಿಹುದು

ಪ್ರಾಪ್ತಕರ್ಮಗಳು ದೈವೆಚ್ಛೆ ಮಾಡಲೇಬೇಕಿಹುದು
ಕಾಮ್ಯ ಕರ್ಮಗಳೆಂಬುದದು ನಿನ್ನಿಚ್ಛೆಯಾಗಿಹುದು
ಭೂತದಲಿ ನಡೆದು ಹೋದದನು ಬದಲಿಸಲಸಾಧ್ಯ
ಭವಿಷ್ಯವದು ಕೈಯಲ್ಲಿ ಸರಿದಾರಿಯಲಿರಲು ಸಾಧ್ಯ

ಮಾಡುವ ಕರ್ಮಗಳನೆಲ್ಲ ಮಾಡು ದೈವ ಪ್ರೇರಣೆಯನುತಲಿ
ಕೇಳದೆ ನಿನಗೆಲ್ಲಾ ನೀಡುವನು ಶ್ರೀ ನರಸಿಂಹ ನಿನ್ನಹರಸುತಲಿ

ದೊಡ್ಡನಾರವಂಗಲ ಗ್ರಾಮಕ್ಕೆ ದಾರಿ

ತುಮಕೂರಿನಿಂದ ಗುಬ್ಬಿಗೆ ಹೋಗುವ ಬಿ ಹೆಚ್ ರಸ್ತೆಯಲ್ಲಿನ ಮಲ್ಲಸಂದ್ರ ರೈಲು ನಿಲ್ದಾಣದ ಎದುರಿನ ರಸ್ತೆಯನ್ನು ಹಿಡಿದು ಹೊರಟರೆ ,ಅಲ್ಲಿಂದ ಮೂರು ಕಿ.ಮೀ. ದೂರದಲ್ಲಿ ದೊಡ್ಡನಾರವಂಗಲ ಗ್ರಾಮ

ಸುತ್ತಲೂ ನೀರಿನ ಆಸರೆಗಾಗಿ ಇರುವ ಕೆರೆ ಗ್ರಾಮವನ್ನು ಸುತ್ತುವರೆದಿದೆ. ಅತ್ಯಂತ ಪುರಾತನ ರಾಮದೇವಾಲಯ (ಈಗ ಮರು ನಿರ್ಮಾಣವಾಗುತ್ತಿದೆ), ಈಶ್ವರ ದೇವಾಲಯ ಹಾಗು ಗ್ರಾಮದಲ್ಲೆಲ್ಲ ಭಕ್ತಿಯಿಂದ ಮಸಿಯಮ್ಮ ಎಂದು ಕರೆಯುವ ಶ್ರೀಮಹಿಷಾಸುರಮರ್ಧಿನಿ ಅಮ್ಮನವರ ದೇವಾಲಯಗಳಿವೆ

ಗ್ರಾಮದ ಸುತ್ತ ಹಸಿರು ನೆಲಹರಡಿದೆ. ತೆಂಗಿನ ತೋಟಗಳು, ಭತ್ತದ ಗದ್ದೆಗಳು ಹೇಮಾವತಿಯ ನೀರಿನ ಹರಿವು ಎಲ್ಲವೂ ಗ್ರಾಮವನ್ನು ಸುಂದರವಾಗಿಸಿದೆ