ಶ್ರೀಮಸಿಯಮ್ಮ: ಒಳ್ಳೆಯದು - ಕೆಟ್ಟದ್ದು (ಶ್ರೀನರಸಿಂಹ 20)

ಒಳ್ಳೆಯದು - ಕೆಟ್ಟದ್ದು (ಶ್ರೀನರಸಿಂಹ 20)
ರಚನೆ :ಸತೀಶ್ ತುಮಕೂರು

ಶ್ರೀ ಭೋಗಾನರಸಿಂಹ, ದೇವರಾಯನದುರ್ಗ,ತುಮಕೂರು

ಒಳ್ಳೆಯದಕೆ ಬೆಲೆ ಬರಲು ಕೆಟ್ಟದೆಂಬುದಿರಬೇಕು

ಸುಖವೆನೆಂಬುದನು ಅರಿಯಲು ಕಷ್ಟ ಬರಲೇಬೇಕು

ಒಳ್ಳೆಯದೇ,ಸುಖವೆ ಎಲ್ಲಡೆ ಇರೆ ಏನಿದೆ ಸೊಗಸು

ಅದಕಾಗಿ ದೇವನು ಸೃಷ್ಠಿಸಿಹ ವಿಧ ವಿಧದ ಮನಸು

ಒಳ್ಳೆಯದೋ,ಕೆಟ್ಟದೋ ಸಮಚಿತ್ತದಲಿ ಸ್ವೀಕರಿಸು

ಎಲ್ಲದರಲಿ, ಎಲ್ಲರಲಿ ಸಮದೃಷ್ಠಿಯನು ನೀ ಇರಿಸು

ಕಷ್ಟ, ಕೇಡುಗಳೆಂಬುವವು ಸಾಧನೆಯ ಸೋಪಾನ

ಎದುರಿಸಿ ನಿಲ್ಲಬೇಕಿದವುಗಳನು ಪಕ್ವವಾಗಲು ಮನ

ಕೊಳೆ ತುಂಬಿರುವ ಕೊಳದಂತೆ ಮನ,ಶುದ್ದಗೊಳಿಸಬೇಕದನು

ತಿಳಿ ನೀನು ಎಲ್ಲದಕೂ ಶ್ರೀನರಸಿಂಹನೇ ಪ್ರೇರಕನು ಕಾರಕನು

ದೊಡ್ಡನಾರವಂಗಲ ಗ್ರಾಮಕ್ಕೆ ದಾರಿ

ತುಮಕೂರಿನಿಂದ ಗುಬ್ಬಿಗೆ ಹೋಗುವ ಬಿ ಹೆಚ್ ರಸ್ತೆಯಲ್ಲಿನ ಮಲ್ಲಸಂದ್ರ ರೈಲು ನಿಲ್ದಾಣದ ಎದುರಿನ ರಸ್ತೆಯನ್ನು ಹಿಡಿದು ಹೊರಟರೆ ,ಅಲ್ಲಿಂದ ಮೂರು ಕಿ.ಮೀ. ದೂರದಲ್ಲಿ ದೊಡ್ಡನಾರವಂಗಲ ಗ್ರಾಮ

ಸುತ್ತಲೂ ನೀರಿನ ಆಸರೆಗಾಗಿ ಇರುವ ಕೆರೆ ಗ್ರಾಮವನ್ನು ಸುತ್ತುವರೆದಿದೆ. ಅತ್ಯಂತ ಪುರಾತನ ರಾಮದೇವಾಲಯ (ಈಗ ಮರು ನಿರ್ಮಾಣವಾಗುತ್ತಿದೆ), ಈಶ್ವರ ದೇವಾಲಯ ಹಾಗು ಗ್ರಾಮದಲ್ಲೆಲ್ಲ ಭಕ್ತಿಯಿಂದ ಮಸಿಯಮ್ಮ ಎಂದು ಕರೆಯುವ ಶ್ರೀಮಹಿಷಾಸುರಮರ್ಧಿನಿ ಅಮ್ಮನವರ ದೇವಾಲಯಗಳಿವೆ

ಗ್ರಾಮದ ಸುತ್ತ ಹಸಿರು ನೆಲಹರಡಿದೆ. ತೆಂಗಿನ ತೋಟಗಳು, ಭತ್ತದ ಗದ್ದೆಗಳು ಹೇಮಾವತಿಯ ನೀರಿನ ಹರಿವು ಎಲ್ಲವೂ ಗ್ರಾಮವನ್ನು ಸುಂದರವಾಗಿಸಿದೆ