ಶ್ರೀಮಸಿಯಮ್ಮ: ಸಿದ್ದಿಗಳ ಮಾಯೆ (ಶ್ರೀನರಸಿಂಹ 21)

ಸಿದ್ದಿಗಳ ಮಾಯೆ (ಶ್ರೀನರಸಿಂಹ 21)
ರಚನೆ : ಸತೀಶ್ ತುಮಕೂರು

ಲಕ್ಷ್ಮೀ ನರಸಿಂಹ , ವಿಘ್ನಸಂತೆ, ನೊಣವಿನಕೆರೆ ತಾ! ತುಮಕೂರು ಜಿಲ್ಲೆ

ಸಿದ್ದಿಗಳೆಂಬುದನು ಪಡೆಯುವುದೇ ಸಾಧನೆಯೇನಲ್ಲ

ಅಷ್ಠ ಸಿದ್ದಿಗಳ ಪಡೆದರೂ ಮುಕುತಿ ದೊರಕುವುದಿಲ್ಲ

ಸಿದ್ದಿಗಳು ಸಿದ್ದಿಸಿತೆಂದು ಸಾಧನೆಯನು ನಿಲಿಸದಿರು

ಸಾಧನೆಯ ಹಾದಿಯಲಿವು ತಡೆ ಎಂಬುದನರಿತಿರು

ಅಣಿಮಾ,ಮಹಿಮಾ ,ಗರಿಮಾ ,ಲಫಿಮಾ,ಪ್ರಾಪ್ತಿ

ಪ್ರಕಾಮ್ಯ, ಈಶಿತ್ವ, ವಶಿತ್ವಗಳೆಂಬಷ್ಟಸಿದ್ದಿಗಳಿವು

ಸಾಧನೆಯ ಹಾದಿಯಲಿ ಪರೀಕಿಪಲು ಸಿದ್ದಿಸುವವು

ಸಿದ್ದಿಗಳ ಮಾಯೆಗೊಳಗಾಗಿ ಗುರಿಯ ಮರೆಯದಿರು

ಆತ್ಮ ಸಾಕ್ಷಾತ್ಕರ ಪಡೆಯುವುದೇ ಸಾಧನೆಗೆ ಗುರಿಯಾಗಬೇಕು

ಸಿದ್ದಿಗಳನೆಲ್ಲ ಶ್ರೀನರಸಿಂಹಗರ್ಪಿಸಿ ಗುರಿಯಡೆಗೆ ಸಾಗಬೇಕು

ದೊಡ್ಡನಾರವಂಗಲ ಗ್ರಾಮಕ್ಕೆ ದಾರಿ

ತುಮಕೂರಿನಿಂದ ಗುಬ್ಬಿಗೆ ಹೋಗುವ ಬಿ ಹೆಚ್ ರಸ್ತೆಯಲ್ಲಿನ ಮಲ್ಲಸಂದ್ರ ರೈಲು ನಿಲ್ದಾಣದ ಎದುರಿನ ರಸ್ತೆಯನ್ನು ಹಿಡಿದು ಹೊರಟರೆ ,ಅಲ್ಲಿಂದ ಮೂರು ಕಿ.ಮೀ. ದೂರದಲ್ಲಿ ದೊಡ್ಡನಾರವಂಗಲ ಗ್ರಾಮ

ಸುತ್ತಲೂ ನೀರಿನ ಆಸರೆಗಾಗಿ ಇರುವ ಕೆರೆ ಗ್ರಾಮವನ್ನು ಸುತ್ತುವರೆದಿದೆ. ಅತ್ಯಂತ ಪುರಾತನ ರಾಮದೇವಾಲಯ (ಈಗ ಮರು ನಿರ್ಮಾಣವಾಗುತ್ತಿದೆ), ಈಶ್ವರ ದೇವಾಲಯ ಹಾಗು ಗ್ರಾಮದಲ್ಲೆಲ್ಲ ಭಕ್ತಿಯಿಂದ ಮಸಿಯಮ್ಮ ಎಂದು ಕರೆಯುವ ಶ್ರೀಮಹಿಷಾಸುರಮರ್ಧಿನಿ ಅಮ್ಮನವರ ದೇವಾಲಯಗಳಿವೆ

ಗ್ರಾಮದ ಸುತ್ತ ಹಸಿರು ನೆಲಹರಡಿದೆ. ತೆಂಗಿನ ತೋಟಗಳು, ಭತ್ತದ ಗದ್ದೆಗಳು ಹೇಮಾವತಿಯ ನೀರಿನ ಹರಿವು ಎಲ್ಲವೂ ಗ್ರಾಮವನ್ನು ಸುಂದರವಾಗಿಸಿದೆ